Ursus

De Animalibus, Capitulum clvii, Ursus

click to enlarge

URsus. Ex libro de naturis rerum. Ursus dicitur quasi orsus scilicet in ventre: sed extra completus. Et hoc ideo: quia permature parturitur. vnde ligendo informatur. Est autem vrsus animal seuum nimis deforme membris. ¶ Aristoteles. Ursus est animal habens dentes superius. et unum ventrem inferius. ac post ventrem incestinus sicut et lupus. Est autem in aliquibus animalibus venter maior. vt in porco et vrso. Manifestum est autem quod vrsus agrestis hyeme latet. sed vtrum hoc faciat propter frigiditatem an propter aliud questio est. Mares autem et femine in tempore illo pingeus sunt valde. ita quod de facili moveri non possunt. ¶ Ysidorus. Ursi caput est invalidum sed vis maxima est in brachiis et lumbis. Unde et interdum erecti insi stunt. ¶ Ambrosius. Ursis angustiora colla data sunt: quia non pascuntur herbis in terra sed carnes animalium comedunt. ¶ Alexander. Ursus quodam murmure utens: pedes fugit tanquam alimenta quedam sumat exeis. ¶ Solinus. Ursi coeunt non sicut quadrupes alii: sed apti amplexibus mutuis velut humanis coniugationibus copulantur. Desiderium veneris hyems suscitat. Secreto honore mares grandas reuertentur. Et in eisdem licet foueis. partitis tamen per scrobes secubationibus diuiduntur. Uterum dies tricesimus liberat. Operationes

¶ Ysaac. Ursina caro viscosissima digestioni / quae inobediens. pessimum dat nutrimentum. Unde plus pertinet medicine quam cibo. ¶ Phisiologus. Fel vrsi calidum est et siccum. Ualet contra epilentiam et paralisim. Debet autem fel cum follicula suo ab epate separari: et ita suspendi et desiccari : per duos annos servatur. ¶ Esculapius. Si oculos vrsi eradicaueris et supra sinistrum hominis adiutorium ligaueris eius quartanam mitigabunt. ¶ Auicenna. Adeps ursis confert alopitie. ¶ Dyascorides. Dicitur adeps vrsi capillorum incrementis prestare et alopitias emendare. vel vrsinum vel electuarium datum epilentcis medetur. ¶ Item lanis adhibitum et in vmbilico positum infantium ventrem soluit. ¶ Actor. Ut autem dictum est superius iuxta Plinium. Ursi primis diebus quattuordecim grani somno premuntur. Tuncque mirum immodum vterno pinguescunt. Et illi sunt apti medicaminibus. Adipi contraque capilli defluuium tenaces.